Nasional Madura Food & Travel Sastra & Budaya Sportainment Hiburan Features Cek Fakta Catatan Pendidikan Hukum Kriminal Ekonomi Bisnis Internasional Lifestyle Oto & Tekno Religi Ibu & Anak Kesehatan Radar Madura TV

Sanja’na Royhan_J: Ngoker Careta

Hera Marylia Damayanti • Minggu, 2 Juni 2024 | 15:16 WIB
Ilustrasi sanja
Ilustrasi sanja

Ngoker Careta

: H.M

 

Ta’ nyangka

Sagampang reya nyaba elang ta’ karassa

se arontot bakto malem

tor tanges dhalem mesem

 

Sabban malemma apolong dhalem settong kennengngan

ngalle tor ajalan settong barisan

 

Dhalem karettek

samoga’a se nganeyaja maelang nyaba

budhi are bakal ebales

kalaban toles tanangnga.

 

Lubtara, 2024

…………………………………

Baca Juga: Puisi Irman Hermawan; Aku Ingin Menulis, Ibu

Pangesto

: Runner Future

 

Bakto ngangkes are se sabulan

dhalem settong jam pokol ballu’ malem

dhari angka ganep aba’ ngarep kapasteyan

tape ebales kalaban bitongan garigi’

se asandhing tanges kantos apencar dhari kennengngan.

 

Lubtara, 2024

…………………………………

Baca Juga: Sanja’na A. Zakil Asror: Bula Santre III

Ngello’ Dhalem Mesem

Angen lebat rassana selbat
sabab oca’na dika
matera’ mata kalaban bulan pornama.

 

Senga’, Le’
budhi are bakal badha are mustajab
sabab janjina dika rassana kecap.

 

Paddhang ja’ lorong rowa loros

tape are ngobbar bungka
kalaban kapasteyan se ta’ esangka.

sekkem aobbar polana badha apoy
tape kokos ta’ kera badha kalaban badhana mardha.

 

Lubtara 2024.

…………………………………

Baca Juga: Puisi R. Oziie: Tersimpan Tanya

Ngeja Katoronan

Sabarampa jau dika maelang nyaba
se mabujar rassa
ban makasta saterrosa

 

Le’, odhi’ reya gun sakaleyan
banne ros-terrosan
pastena, dika bakal andhi’ katoronan.

 

Lubtara 2024.

…………………………………

Baca Juga: Puisi Elmira Damayanti

Du’a Taresna

Saampon dika jau dhari tareka

moga-moga daddi sokma

se bisa menyettong dika ban pasanganna

kaangguy kaluwarga se samporna.

 

Lubtara 2024.

…………………………………

*)Santre PP Annuqayah Lubangsa Utara tor calon santre tugas 2024–2025.

Baca artikel dan berita menarik dari RadarMadura.id lainnya di Google News

Editor : Hera Marylia Damayanti
#Pangesto #Ngeja Katoronan #taresna #Ngoker Careta #Dhalem Mesem