alexametrics
24.1 C
Madura
Wednesday, August 10, 2022

Sapèna Dulsalam Gherring

Carpan AJAZ ELMAZRY*

, ongghuwân, Bu’…” Dulsalam saparo ta’ partajâ polana bâri’ lem-malem, rop-sorop arè ghi’ èpakanè.

”Iyâ, Cong… Mandhâr dhuliyâ bârâs bhâi.”

Dulsalam terros ajhâlân ka jeḍḍing, op-raopa sambi ngala’a wudu’, tako’ Sobbuna dhâlâ ècolpè’ ajâm.

Marèna ngolok salam bân kèr-dhikkèran, Dulsalam akarettek ḍâlem atèna, Ghustè, ghârowa’ sapè pon gherring. Nyo’onna angka’aghi panyakètta. Sapè ghârowa cagherrân sèmpennanna sabhâlâ. Acora’ mon rèng tanè, saparo bhânḍhâna bâḍâ è sapè.”

”Cong, sèngko’ mellèya konyè’ ka temoranna. Sambi abâssaghi sapèna, yâ.”

”Èngghi, Bu’…”

Dulsalam ghun ju’-toju’ è pèngghirrâ langghârrâ. To’otta ètongghul. Roko’na èsolet. Sabellunna èserghu’ ghi’ èsempattaghi ngènom kobhi karèna malemma. Saellana ngebbhul, tanangnga ajhângngo HP-na, pas èlecca’. Salaènna males chat-tan ḍâri ca-kancana, Dulsalam sambi rè-nyarè berta bâb panyakè’na sapèna. Rassana è war-lowar cora’ la bânnya’ sapè sè ècapo’ panyakè’ mara rèya. Mon ta’ congorra, yâ kokotta. Sapè lajhu ta’ enḍâ’ ngakan. Bhâ’ panyakè’ apa kèrana.

”Cong, bârâmma sapèna, pagghun ta’ enḍâ’ ngakan, yâ?”

”Bhuntèn, Bu’. Sampèyan napa’an sè bhâkta?

”Arèya, Cong. Konyè’ bân ghulâ pasèr. Ca’na rèng-orèng, mon ècapo’ panyakè’ ènga’ jârèya soro berri’i konyè’ campor ghulâ pasèr.”

”Oo…”

”Kassa’ ngala’ parotan, pas parot konyè’na,” sambi maghi karèksèk bârna celleng.

”Bâḍâ è ka’ḍimma pamarotanna, Bu’?” Dulsalam nyarè è ḍâporra ta’ dhuli nemmo.

”Jiyâ bâḍâ è tabing ḍi ḍâjâ, Cong. Apolong bân sèro’na kowa.”

Saellana konyè’ èparot, pas èperrès ècampor ghulâ pasèr. Èghulek èparata. Ghulâna sopajâ ancor bân acampor bi’ aèngnga konyè’na. Èmbu’na sambi maranta nyonglèt. Marèna èghâbâyâ bâḍḍhâna bilâ ètongtanga ka colo’na sapèna.

”Mon la marè pas totta’ ka rèya, Cong,” oca’na embu’na sambi maghi perrèng sè ènga’ obhur.

”Nèka’ ampon lastarè, Bu’. Ajunan maghi, abdhina ta’ onèng polana.”

”Yâ, dhina. Kemma sèngko’ maghiyâ.”

Dhâmar sè 5 what è kanḍhângnga èoḍi’i bi’ Dulsalam. Embu’na sè maghiyâ jhâmona ma’lè ta’ petteng. Tekka bân-abân è kanḍdhângnga pagghun calèmodhân mon ta’ èdhâmarè, polâna taḍâ’ canḍilâna. Lambâ’ bâḍâ ghentèng kacana sèttong, sakèng la bellâ. Dhâddhi aḍâ’ aghântè ghentèng tana kabbhi. Bân polè gheḍḍhungnga mandhâp. Dhâddhi malarat sonarra arè sè maso’a.

Bâ.. Iyâ ongghu. È kampongnga Dulsalam rèya, kanḍhâng jhât ègheḍḍhung. Ètata ngangghuy bhâta. Bhidhâna bân bengko kèng polana ta’ akolè’ bân ta’ akaramèk. Bânnè kèng kasoghiyân. Kèng lambâ’, è kampongnga Dulsalam bânnya’ malèng. Bânnya’ sapè èlang. Dhâddhi rèng-orèng jhât kodhu ngastètè ongghu ka sapèna mon ta’ terro karèya tamparra. Yâ, sala sèttong carana ègheḍḍhung jârèya. Tapè, satèya la alhamdulillah, è kampongnga Dulsalam la aman. Yâ, ta’ tao, apa kèng polana kalèbunna la aghântè, apa kèng malèngnga la anḍi’ èncerran sè lebbi nyaman katèmbhâng ngèco’ sapè.

”Mayu ènom, Pè. Jâ-kajâ tèkka peddhi. Mandhâr dhuliyâ bârâs, bâ’na,” embu’na Dulsalam sambi nyonthangaghi aèngnga konyè’ ka colo’na sapèna.

”Emmmaaa….”

”Ḍu.. Sènga’ rè-lèrè, Bu’. Ta’ mangghâ ghèḍingaghi monyèna. Cora’ peddhi sara colo’na ghânèka,” Dulsalam sambi ḍes-ngarèḍes ngabâssaghi sapèna sè atel-pèntel sambi kalowar aèng ḍâri matana.

”Jhâlân ngala’aghi aèng bersè, Cong. Sabâ’ è makananna. Pola ḍâgghi’ enḍâ’ ngènom.” Embu’na Dulsalam sambi abâcco è pèngghirrâ jeḍḍingnga.

”Lastarè pon, Bu’….”

”Panyakè’ nèka cora’ pon bânnya’ jhât pè-sapè ècapo’, Bu’. Mon ca’na para ahli nèka nyamana panyakè’ PMK (penyakit mulut dan kuku). Mèlana sè ècapo’ mon ta’ congor, ghi kokot. Kadhiyâ virus ka’ḍissa’, Bu’…” Dulsalam acarèta ka embu’na ollèna ca-maca berta è HP-na.

Baca Juga :  Menyoal Tubuh-Tubuh Peduli Multatuli

”Ḍu.. Pas bârâmma yâ, Cong? Marè manossana sè ècapo’, satèya ngallè ka sapèna. Cora’ jhât la rosak ongghu alam rèya,” panyaotta embu’na sambi aghângsè saḍâ’na.

”Ghi, ta’ onèng, Bu’. Dhingghâl pon ngèrèng ikhtiyâr saos. Jhâ’ nèka bâghiyân ḍâri oḍi’. Kèng mon neng-enneng malolo ka’ḍissa’ sè sala, ca’èpon ḍhâbuna ghuru.”

” Yá, Cong…”

Arè la è ḍi attasanna tombhâk. Cora’na bhâkal ojhâna polè marèna. Onḍem ḍâri bâra’ ḍâjâ cora’ la abhel-ghumbhel. Embu’na Dulsalam dhuli mangkat ngarè’. Bânnè tako’ ka panas. Tapè tako’ dhungkap ojhân. Rebbhâ bilâ bâcca pas ta’ latèn arè’anna. Bân polè berrâ’ so’onanna.

Dulsalam nyongka’ sobluk. Negghu’ pèrèng bân cèngthong. Tabu’na cora’ la akarèyok. Ḍâri lagghu ghi’ ta’ ètapak nasè’ sakalè. Nasè’na ècaèr. Èpacellep. Pettèssa èkocek bân cabbhi mèra tello’an. Sanyatana Dulsalam nyaman ka peḍḍhes. Tapè satèya cabbhi larang. Bâri’ mellè ka bâlijjhâ. Ḍuwèbu ghun ollè lèma mègghi’. Jhâ’ saghiluna satèya amaèn saratos. Cè’ nyamanna jhâ’ sènga’a satèya anḍi’ cabbhi. Cora’ maḍḍhâi ongghu mon ka pessè. Tapè jhâ’ èmot polè ka ḍhâbuna ghuru, risghi rèya ta’ taporop. Sè èkennèng conto namong lakona, kèng mon risghina apa ca’na Sè Kobâssa.

Saellana Dulsalam marè ngakan bân ra-kora, HP-na è kasangnga amonyè.

”Hallo.. Bâḍâ napa, Ka’?”

”Mon bisa mangkèn ka kota, nèka’ bâḍâ partemmowan bân ca-kanca komunitas ḍâri Mekkasen.”

”Kol saponapa, Ka’?”

”Marèna, Lè’, ra-kèra kol ḍuwâ.”

”Èngghi, Ka’. Dhingghâl marèna mangkata kaulâ.”

Dulsalam pajhât ghi’ asakola bân lèbur noro’ organisasi. Kèng polana satèya ghi’ bânnya’an daring, mèlana segghudhân molè ka romana è sakalana aḍâ’ kegiatan. Pajhât molaè lambâ’ Dulsalam lèbur apol-kompol. Apapolè urusan kamasyarakatan. Dulsalam palèng bhinareng. Sè ca’na na’-kana’ mahasiswa, Dulsalam rèya bisa èkoca’ na’-kana’ organisatoris. Lèbur ongghu. Bânnya’ kancana bân bânnya’ pangalamanna. Sampè’-sampè’, Dulsalam sè bisa ḍâpa’ ka pan-saponapan kennengngan è Indonesia, kadhiyâ è Polo Jhâbâ bân è lowar Jhâbâ marghâna organisasi. Sè taon ri’-bâri’na Dulsalam toman ḍâpa’ ka Singapura jhughân marghâna organisasi. Mon ngaraddhuwâghi ḍi’-anḍi’na cora’ ghun kop-cokop èdhâ’âr. Apapolè Dulsalam ghi’ anḍdi’ alè’ sè bâḍâ è pondhuk. Dhâddhi rèng seppona ta’ manyèttong. Ta’ kèra mèkkèrrè Dulsalam malolo. Bân polè Dulsalam ta’ nyamanan orèngnga. Masa’ la towa ghi’ lako mènta’a ka rèng towa. Bânnè ta’ ollè. Kèng la-sakala bâkto mon ghun ajhâjhâna rassana cora’ toḍus sè kosè ataḍâ’â ka rèng towa malolo.

”Cong, sapèna Man Sunardi-na ècapo’ panyakè’ kèya. Bhuru Bhi’ Sura-na acarèta è sabâ. La ollè tello arè ca’na sè ta’ enḍâ’ ngakan. Congorra poro kèya.”

”Bâ… èngghi na, Bu’? Ḍu, nèserra pèra’. Cora’ kakabbhi mangkèn. Bârâmma pèra’ nasibbhâ rèng tanè mon ènga’ nèka terros?”

”Ta’ iyâ, Cong. Polana sapè rèya bânnè ghun sakadhâr kèbân obuwân, bhâli’ sempennan dhunnya ka’angghuy cagherrân kaparlowan sè abâk rajâ.”

”Pon lastarè èjhâmowè ca’na ḍin Man Sunardi, Bu’?”

”Enjâ’, Cong. Ta’ tao ca’na. Kèng marè èkabâlâ bhuru la bi’ engko’. Èsoro mellè pas mon ta’ anḍi’ konyè’ dhibi’ è bengkona.”

Embu’na Dulsalam rè-marè ngaso è lèncak, pas maso’ ka ḍáporra.

”Cong, bâ’na marè ngakan?”

”Lastarè ampon, Bu’.”

”Ngakan bân apa bâ’na, Cong? Jhâ’ polana tokang bâlijjhâ bâri’ taḍâ’ apana sakalè. Ghun karè bhâbâng bân cabbhi. Ghellâ’ pangara ka pasarra, pas sapèna ènga’ jârèya. Lajhu pas gheddhur sakalèyan aḍâ’ tang ora’.” Embu’na Dulsalam abhânta sambi nyènḍu’ nasè’. Cora’na jhât molaè ghi’ lagghu ta’ aḍhâ’âr jhughân.

Baca Juga :  Tiga Pelajar Sampang Juara Video

”Dhingghâl, Bu’. Abdhina marèna ka kottha’a. Bâḍâ partemmowan. Pola è Sar Sorè bâḍâ, manabi ghi’ kajâpo’ marèna acara, abdhina sè mellèya ḍhâgghi’ân.”

È masjid la amonyè. È ghâr-langghâr la rammè. Sakejjhâ’ aghi’ la Dhuhur. Ta’ èkarassa ghun agher-lèggher la ollè satengnga arè. Oḍi’ mon ta’ èken-rèken jhât cora’ tarapas. Mèlana mon ka rèng-orèng sè jhekjhek, bâktona èyator ongghu. Karna tako’ èlangnga bâkto sanaossa ghun sakèdhebbhân. Jhâ’ sè bâḍâ è pèkkèranna, mon la bâkto lèbât ta’ kèra bisa abâli polè. Ta’ bisa ulang polè.

Dulsalam ngala’ anḍugghâ èkasanḍâng. Sarongnga èghumbhel magghis ḍâpa’a ka to’otta. Ajhâlân sambi’ pong-serpongan. Alebbhu ka jeḍḍing. Kèng biyasana mon sambi aroko’ ta’ kèra langsung manḍi. Ghi’ ajurukkong ghâllu. Nekkanè hajhât mon bhâsa alossa.

Embu’na Dulsalam la marè aḍhâ’âr. Pay-keppay ngangghuy sarongnga sè èangghuy. Toju’ è lèncak sè sanggherrâ la bâḍâ’ân sè potong. Jhâ’ ghâjâ’ sèyang malem èojhânaghi bân èpanassaghi. Yâ, teppo perrèna ka sanggher. Saèstona bânnè ta’ èman. Kèng la lesso sè ngallèya ka lowar ka ḍâlem.

”Emmmaaa…..”

”Du…Arapa polè sapè rowa?” Embu’na Dulsalam sambi berka’ ka kanḍhângnga.

”Cong, èya’ mon la marè abhâjâng ka kanḍhâng, Cong! Sapèna atèng-bhâlintèng èya’. Cora’ sajân gherring.”

”Èngghi, Bu’. Nèka’ ghi’ asalènan salebbâr,” Dulsalam aorak ḍâri langghârrâ.

Sapèna jhâillâ sajân ngalèllè. Ta’ nyaman neng-enneng. Lè’èrra atel-pèntel. Embu’na Dulsalam rèpot. Ta’ tao jhâ’ kodhu èpabârâmma’a. Pèra’ èsot-ghusot tanḍu’na terros thak-cèthakka. Pajhât dhunor sapèna mon ghi’ teppa’ bârâs. Ta’ toman nyambângan. Mangkana èman sè èpakalowara tekka’ ghun ollèna ngala’ owanan.

”Bu’, abdhina lastarè ngebbil Nom Saruji, pon. Ca’èpon ènyambiyaghina dokter hewan ka ka’ḍinto. Kèng ghi’ asalata Duhur ghâllu ca’èpon.”

”Yâ, dhina dhulat, Cong. Ella ta’ kennèng torot rèya. Nèser sapèna, Cong. Arèya atèng-lèntèng kèng karna ta’ kellar ka sakè’na. Jhâ’ biyasana mon bârâs aḍâ’ ghulina sapè rèya. Palèng ghun amonyè biyasa mon aḍâ’ pakanna.”

”Èngghi, Bu’. Tapè cora’ èyènom aèngnga. Jhâ’ ghânèka’ karè saparo. Ghellâ’ èmbir nèka possa’. Èpangèpèr bi’ abdhina,” oca’na Dulsalam sambi masemma’ ka makananna sapèna. Nyongngo’ aèng è èmbirrâ sè bârna celleng.

”Marèna mon la Nom Saruji-na ḍateng ngala’aghi kobhi è ḍâpor, Cong. Ghellâssâ bâḍâ è rantang bhiru è lèncak. Engko’ manḍiyâ lu, ta’ marè abhâjâng Duhur polana ghi’. Tako’ dhungkap arè onḍung.”

Dulsalam aongghu’ kèng matana pagghun ngabâs ka sapèna. Pèkkèranna ater-poter. Sabhârâng sè aèssè. Sè kemma mèkkèr embu’na. Nèser molaè lambâ’ sè aladhinin, ngarè’aghi, ngowèr calatthongnga ghu-lagghu lem-malem. Bilâ ngabâs sapèna la ènga’ rèya pas astabâ. Mellas rassana. Kaollèyan polana. Dulsalam sè bisa sampè’ lanjut asakalo ghân satèya, sala sèttongnga bhâng-sasombhâng ḍâri hasèlla buḍu’na sapèna sè gherring rèya. Jhât lakar bhâghus ḍu’-buḍu’ânna molaè ghi’ sabbhân. Buḍu’na bilâ èjhuwâl ta’ toman ghâgghâr ḍâri lèma’. Jhâ’ lakè’ malolo bilâ abuḍu’. Ta’ èghâressa Dulsalam aèng matana nyapcap rè-lèrè.

”Mandhâr ghi’ bârâssa bâ’na, Pè. Bâ’na areppan tang kaluwarga,” Dulsalam aghusot tanḍu’na terros ka cèthakka èli-bâli. (*)

 

Tambaksari, 21 Juni 2022

 

*)Nyama dhâghingnga Ach. Jazuli, asli rèng Songennep. Agâbung è Komunitas Ghâi’ Bintang. Toman monḍhuk è Prongpong Dhâlem Tèmor. Samangkèn dhddhi mahasiswa Pascasarjana Universitas Islam Malang.

Carpan AJAZ ELMAZRY*

, ongghuwân, Bu’…” Dulsalam saparo ta’ partajâ polana bâri’ lem-malem, rop-sorop arè ghi’ èpakanè.

”Iyâ, Cong… Mandhâr dhuliyâ bârâs bhâi.”


Dulsalam terros ajhâlân ka jeḍḍing, op-raopa sambi ngala’a wudu’, tako’ Sobbuna dhâlâ ècolpè’ ajâm.

Marèna ngolok salam bân kèr-dhikkèran, Dulsalam akarettek ḍâlem atèna, Ghustè, ghârowa’ sapè pon gherring. Nyo’onna angka’aghi panyakètta. Sapè ghârowa cagherrân sèmpennanna sabhâlâ. Acora’ mon rèng tanè, saparo bhânḍhâna bâḍâ è sapè.”

”Cong, sèngko’ mellèya konyè’ ka temoranna. Sambi abâssaghi sapèna, yâ.”

”Èngghi, Bu’…”

Dulsalam ghun ju’-toju’ è pèngghirrâ langghârrâ. To’otta ètongghul. Roko’na èsolet. Sabellunna èserghu’ ghi’ èsempattaghi ngènom kobhi karèna malemma. Saellana ngebbhul, tanangnga ajhângngo HP-na, pas èlecca’. Salaènna males chat-tan ḍâri ca-kancana, Dulsalam sambi rè-nyarè berta bâb panyakè’na sapèna. Rassana è war-lowar cora’ la bânnya’ sapè sè ècapo’ panyakè’ mara rèya. Mon ta’ congorra, yâ kokotta. Sapè lajhu ta’ enḍâ’ ngakan. Bhâ’ panyakè’ apa kèrana.

”Cong, bârâmma sapèna, pagghun ta’ enḍâ’ ngakan, yâ?”

”Bhuntèn, Bu’. Sampèyan napa’an sè bhâkta?

”Arèya, Cong. Konyè’ bân ghulâ pasèr. Ca’na rèng-orèng, mon ècapo’ panyakè’ ènga’ jârèya soro berri’i konyè’ campor ghulâ pasèr.”

”Oo…”

”Kassa’ ngala’ parotan, pas parot konyè’na,” sambi maghi karèksèk bârna celleng.

”Bâḍâ è ka’ḍimma pamarotanna, Bu’?” Dulsalam nyarè è ḍâporra ta’ dhuli nemmo.

”Jiyâ bâḍâ è tabing ḍi ḍâjâ, Cong. Apolong bân sèro’na kowa.”

Saellana konyè’ èparot, pas èperrès ècampor ghulâ pasèr. Èghulek èparata. Ghulâna sopajâ ancor bân acampor bi’ aèngnga konyè’na. Èmbu’na sambi maranta nyonglèt. Marèna èghâbâyâ bâḍḍhâna bilâ ètongtanga ka colo’na sapèna.

”Mon la marè pas totta’ ka rèya, Cong,” oca’na embu’na sambi maghi perrèng sè ènga’ obhur.

”Nèka’ ampon lastarè, Bu’. Ajunan maghi, abdhina ta’ onèng polana.”

”Yâ, dhina. Kemma sèngko’ maghiyâ.”

Dhâmar sè 5 what è kanḍhângnga èoḍi’i bi’ Dulsalam. Embu’na sè maghiyâ jhâmona ma’lè ta’ petteng. Tekka bân-abân è kanḍdhângnga pagghun calèmodhân mon ta’ èdhâmarè, polâna taḍâ’ canḍilâna. Lambâ’ bâḍâ ghentèng kacana sèttong, sakèng la bellâ. Dhâddhi aḍâ’ aghântè ghentèng tana kabbhi. Bân polè gheḍḍhungnga mandhâp. Dhâddhi malarat sonarra arè sè maso’a.

Bâ.. Iyâ ongghu. È kampongnga Dulsalam rèya, kanḍhâng jhât ègheḍḍhung. Ètata ngangghuy bhâta. Bhidhâna bân bengko kèng polana ta’ akolè’ bân ta’ akaramèk. Bânnè kèng kasoghiyân. Kèng lambâ’, è kampongnga Dulsalam bânnya’ malèng. Bânnya’ sapè èlang. Dhâddhi rèng-orèng jhât kodhu ngastètè ongghu ka sapèna mon ta’ terro karèya tamparra. Yâ, sala sèttong carana ègheḍḍhung jârèya. Tapè, satèya la alhamdulillah, è kampongnga Dulsalam la aman. Yâ, ta’ tao, apa kèng polana kalèbunna la aghântè, apa kèng malèngnga la anḍi’ èncerran sè lebbi nyaman katèmbhâng ngèco’ sapè.

”Mayu ènom, Pè. Jâ-kajâ tèkka peddhi. Mandhâr dhuliyâ bârâs, bâ’na,” embu’na Dulsalam sambi nyonthangaghi aèngnga konyè’ ka colo’na sapèna.

”Emmmaaa….”

”Ḍu.. Sènga’ rè-lèrè, Bu’. Ta’ mangghâ ghèḍingaghi monyèna. Cora’ peddhi sara colo’na ghânèka,” Dulsalam sambi ḍes-ngarèḍes ngabâssaghi sapèna sè atel-pèntel sambi kalowar aèng ḍâri matana.

”Jhâlân ngala’aghi aèng bersè, Cong. Sabâ’ è makananna. Pola ḍâgghi’ enḍâ’ ngènom.” Embu’na Dulsalam sambi abâcco è pèngghirrâ jeḍḍingnga.

”Lastarè pon, Bu’….”

”Panyakè’ nèka cora’ pon bânnya’ jhât pè-sapè ècapo’, Bu’. Mon ca’na para ahli nèka nyamana panyakè’ PMK (penyakit mulut dan kuku). Mèlana sè ècapo’ mon ta’ congor, ghi kokot. Kadhiyâ virus ka’ḍissa’, Bu’…” Dulsalam acarèta ka embu’na ollèna ca-maca berta è HP-na.

Baca Juga :  Dimmong, Pujian Ketika Musim Tanam Tiba

”Ḍu.. Pas bârâmma yâ, Cong? Marè manossana sè ècapo’, satèya ngallè ka sapèna. Cora’ jhât la rosak ongghu alam rèya,” panyaotta embu’na sambi aghângsè saḍâ’na.

”Ghi, ta’ onèng, Bu’. Dhingghâl pon ngèrèng ikhtiyâr saos. Jhâ’ nèka bâghiyân ḍâri oḍi’. Kèng mon neng-enneng malolo ka’ḍissa’ sè sala, ca’èpon ḍhâbuna ghuru.”

” Yá, Cong…”

Arè la è ḍi attasanna tombhâk. Cora’na bhâkal ojhâna polè marèna. Onḍem ḍâri bâra’ ḍâjâ cora’ la abhel-ghumbhel. Embu’na Dulsalam dhuli mangkat ngarè’. Bânnè tako’ ka panas. Tapè tako’ dhungkap ojhân. Rebbhâ bilâ bâcca pas ta’ latèn arè’anna. Bân polè berrâ’ so’onanna.

Dulsalam nyongka’ sobluk. Negghu’ pèrèng bân cèngthong. Tabu’na cora’ la akarèyok. Ḍâri lagghu ghi’ ta’ ètapak nasè’ sakalè. Nasè’na ècaèr. Èpacellep. Pettèssa èkocek bân cabbhi mèra tello’an. Sanyatana Dulsalam nyaman ka peḍḍhes. Tapè satèya cabbhi larang. Bâri’ mellè ka bâlijjhâ. Ḍuwèbu ghun ollè lèma mègghi’. Jhâ’ saghiluna satèya amaèn saratos. Cè’ nyamanna jhâ’ sènga’a satèya anḍi’ cabbhi. Cora’ maḍḍhâi ongghu mon ka pessè. Tapè jhâ’ èmot polè ka ḍhâbuna ghuru, risghi rèya ta’ taporop. Sè èkennèng conto namong lakona, kèng mon risghina apa ca’na Sè Kobâssa.

Saellana Dulsalam marè ngakan bân ra-kora, HP-na è kasangnga amonyè.

”Hallo.. Bâḍâ napa, Ka’?”

”Mon bisa mangkèn ka kota, nèka’ bâḍâ partemmowan bân ca-kanca komunitas ḍâri Mekkasen.”

”Kol saponapa, Ka’?”

”Marèna, Lè’, ra-kèra kol ḍuwâ.”

”Èngghi, Ka’. Dhingghâl marèna mangkata kaulâ.”

Dulsalam pajhât ghi’ asakola bân lèbur noro’ organisasi. Kèng polana satèya ghi’ bânnya’an daring, mèlana segghudhân molè ka romana è sakalana aḍâ’ kegiatan. Pajhât molaè lambâ’ Dulsalam lèbur apol-kompol. Apapolè urusan kamasyarakatan. Dulsalam palèng bhinareng. Sè ca’na na’-kana’ mahasiswa, Dulsalam rèya bisa èkoca’ na’-kana’ organisatoris. Lèbur ongghu. Bânnya’ kancana bân bânnya’ pangalamanna. Sampè’-sampè’, Dulsalam sè bisa ḍâpa’ ka pan-saponapan kennengngan è Indonesia, kadhiyâ è Polo Jhâbâ bân è lowar Jhâbâ marghâna organisasi. Sè taon ri’-bâri’na Dulsalam toman ḍâpa’ ka Singapura jhughân marghâna organisasi. Mon ngaraddhuwâghi ḍi’-anḍi’na cora’ ghun kop-cokop èdhâ’âr. Apapolè Dulsalam ghi’ anḍdi’ alè’ sè bâḍâ è pondhuk. Dhâddhi rèng seppona ta’ manyèttong. Ta’ kèra mèkkèrrè Dulsalam malolo. Bân polè Dulsalam ta’ nyamanan orèngnga. Masa’ la towa ghi’ lako mènta’a ka rèng towa. Bânnè ta’ ollè. Kèng la-sakala bâkto mon ghun ajhâjhâna rassana cora’ toḍus sè kosè ataḍâ’â ka rèng towa malolo.

”Cong, sapèna Man Sunardi-na ècapo’ panyakè’ kèya. Bhuru Bhi’ Sura-na acarèta è sabâ. La ollè tello arè ca’na sè ta’ enḍâ’ ngakan. Congorra poro kèya.”

”Bâ… èngghi na, Bu’? Ḍu, nèserra pèra’. Cora’ kakabbhi mangkèn. Bârâmma pèra’ nasibbhâ rèng tanè mon ènga’ nèka terros?”

”Ta’ iyâ, Cong. Polana sapè rèya bânnè ghun sakadhâr kèbân obuwân, bhâli’ sempennan dhunnya ka’angghuy cagherrân kaparlowan sè abâk rajâ.”

”Pon lastarè èjhâmowè ca’na ḍin Man Sunardi, Bu’?”

”Enjâ’, Cong. Ta’ tao ca’na. Kèng marè èkabâlâ bhuru la bi’ engko’. Èsoro mellè pas mon ta’ anḍi’ konyè’ dhibi’ è bengkona.”

Embu’na Dulsalam rè-marè ngaso è lèncak, pas maso’ ka ḍáporra.

”Cong, bâ’na marè ngakan?”

”Lastarè ampon, Bu’.”

”Ngakan bân apa bâ’na, Cong? Jhâ’ polana tokang bâlijjhâ bâri’ taḍâ’ apana sakalè. Ghun karè bhâbâng bân cabbhi. Ghellâ’ pangara ka pasarra, pas sapèna ènga’ jârèya. Lajhu pas gheddhur sakalèyan aḍâ’ tang ora’.” Embu’na Dulsalam abhânta sambi nyènḍu’ nasè’. Cora’na jhât molaè ghi’ lagghu ta’ aḍhâ’âr jhughân.

Baca Juga :  UMM Lestarikan Tata Bahasa Indonesia

”Dhingghâl, Bu’. Abdhina marèna ka kottha’a. Bâḍâ partemmowan. Pola è Sar Sorè bâḍâ, manabi ghi’ kajâpo’ marèna acara, abdhina sè mellèya ḍhâgghi’ân.”

È masjid la amonyè. È ghâr-langghâr la rammè. Sakejjhâ’ aghi’ la Dhuhur. Ta’ èkarassa ghun agher-lèggher la ollè satengnga arè. Oḍi’ mon ta’ èken-rèken jhât cora’ tarapas. Mèlana mon ka rèng-orèng sè jhekjhek, bâktona èyator ongghu. Karna tako’ èlangnga bâkto sanaossa ghun sakèdhebbhân. Jhâ’ sè bâḍâ è pèkkèranna, mon la bâkto lèbât ta’ kèra bisa abâli polè. Ta’ bisa ulang polè.

Dulsalam ngala’ anḍugghâ èkasanḍâng. Sarongnga èghumbhel magghis ḍâpa’a ka to’otta. Ajhâlân sambi’ pong-serpongan. Alebbhu ka jeḍḍing. Kèng biyasana mon sambi aroko’ ta’ kèra langsung manḍi. Ghi’ ajurukkong ghâllu. Nekkanè hajhât mon bhâsa alossa.

Embu’na Dulsalam la marè aḍhâ’âr. Pay-keppay ngangghuy sarongnga sè èangghuy. Toju’ è lèncak sè sanggherrâ la bâḍâ’ân sè potong. Jhâ’ ghâjâ’ sèyang malem èojhânaghi bân èpanassaghi. Yâ, teppo perrèna ka sanggher. Saèstona bânnè ta’ èman. Kèng la lesso sè ngallèya ka lowar ka ḍâlem.

”Emmmaaa…..”

”Du…Arapa polè sapè rowa?” Embu’na Dulsalam sambi berka’ ka kanḍhângnga.

”Cong, èya’ mon la marè abhâjâng ka kanḍhâng, Cong! Sapèna atèng-bhâlintèng èya’. Cora’ sajân gherring.”

”Èngghi, Bu’. Nèka’ ghi’ asalènan salebbâr,” Dulsalam aorak ḍâri langghârrâ.

Sapèna jhâillâ sajân ngalèllè. Ta’ nyaman neng-enneng. Lè’èrra atel-pèntel. Embu’na Dulsalam rèpot. Ta’ tao jhâ’ kodhu èpabârâmma’a. Pèra’ èsot-ghusot tanḍu’na terros thak-cèthakka. Pajhât dhunor sapèna mon ghi’ teppa’ bârâs. Ta’ toman nyambângan. Mangkana èman sè èpakalowara tekka’ ghun ollèna ngala’ owanan.

”Bu’, abdhina lastarè ngebbil Nom Saruji, pon. Ca’èpon ènyambiyaghina dokter hewan ka ka’ḍinto. Kèng ghi’ asalata Duhur ghâllu ca’èpon.”

”Yâ, dhina dhulat, Cong. Ella ta’ kennèng torot rèya. Nèser sapèna, Cong. Arèya atèng-lèntèng kèng karna ta’ kellar ka sakè’na. Jhâ’ biyasana mon bârâs aḍâ’ ghulina sapè rèya. Palèng ghun amonyè biyasa mon aḍâ’ pakanna.”

”Èngghi, Bu’. Tapè cora’ èyènom aèngnga. Jhâ’ ghânèka’ karè saparo. Ghellâ’ èmbir nèka possa’. Èpangèpèr bi’ abdhina,” oca’na Dulsalam sambi masemma’ ka makananna sapèna. Nyongngo’ aèng è èmbirrâ sè bârna celleng.

”Marèna mon la Nom Saruji-na ḍateng ngala’aghi kobhi è ḍâpor, Cong. Ghellâssâ bâḍâ è rantang bhiru è lèncak. Engko’ manḍiyâ lu, ta’ marè abhâjâng Duhur polana ghi’. Tako’ dhungkap arè onḍung.”

Dulsalam aongghu’ kèng matana pagghun ngabâs ka sapèna. Pèkkèranna ater-poter. Sabhârâng sè aèssè. Sè kemma mèkkèr embu’na. Nèser molaè lambâ’ sè aladhinin, ngarè’aghi, ngowèr calatthongnga ghu-lagghu lem-malem. Bilâ ngabâs sapèna la ènga’ rèya pas astabâ. Mellas rassana. Kaollèyan polana. Dulsalam sè bisa sampè’ lanjut asakalo ghân satèya, sala sèttongnga bhâng-sasombhâng ḍâri hasèlla buḍu’na sapèna sè gherring rèya. Jhât lakar bhâghus ḍu’-buḍu’ânna molaè ghi’ sabbhân. Buḍu’na bilâ èjhuwâl ta’ toman ghâgghâr ḍâri lèma’. Jhâ’ lakè’ malolo bilâ abuḍu’. Ta’ èghâressa Dulsalam aèng matana nyapcap rè-lèrè.

”Mandhâr ghi’ bârâssa bâ’na, Pè. Bâ’na areppan tang kaluwarga,” Dulsalam aghusot tanḍu’na terros ka cèthakka èli-bâli. (*)

 

Tambaksari, 21 Juni 2022

 

*)Nyama dhâghingnga Ach. Jazuli, asli rèng Songennep. Agâbung è Komunitas Ghâi’ Bintang. Toman monḍhuk è Prongpong Dhâlem Tèmor. Samangkèn dhddhi mahasiswa Pascasarjana Universitas Islam Malang.

- Advertisement -

Artikel Terkait

Most Read

Artikel Terbaru

/