alexametrics
Minggu, 09 Aug 2020
radarmadura
Home > Catatan
icon featured
Catatan

Sosial Budaya tor Basa Madura 

27 Juli 2020, 19: 58: 53 WIB | editor : Abdul Basri

AHMAD MUHLI JUNAIDI

AHMAD MUHLI JUNAIDI (RadarMadura.id)

Share this      

RUBRIK se ejarba’agi sareng JPRM e are Ahad ampon daddi babulangan menangka parbasan basa Madura. Ngombarra kennengngan settong mowa possa’ se ebagi tello’ jajarba’an. Enggi paneka sanja’, carpan, tor esai, ampon daddi pangoladan se samporna dha’ka tombu tor rammena serratan dhalem basa Madura. Kabadha’an paneka cokop esambut kalaban senang tor gumbira ate sareng ngangodhadan Madura se senneng nyamporna’agi parbasan Madura e nga’-tengnga’anna masyarakat Madura. 

Se lebbi nyambadane badhana rubrik paneka, redaksi ta’ maposang panyerat basa Madura. Dhalem arte, panyerat ngangguy cara noles otaba eja’an taon saponapa bisaos eatore. Ropana, JPRM edisi Ahad lebbi senneng ngangguy eja’an taon 1972 se tapongkor, se ropana jugan lebbi ekasennengnge sareng panyerat bagiyan temor Madura, alias Songennep. Serratan dhalem eja’an se lebbi kona cokop gampang asabab lebbi sederhana tor rengkes. Ropana, panyerat se ta’ kengeng sossa dha’ badhana tandha okara basa Madura, lebbi kasokan ngangguy eja’an se kasebbut.

Mela dhari ganeka, rubrik Sosial Budaya se amolae dhari kabidan sampe’ samangken lebbi talaten aguna’agi eja’an 1972. Gapaneka bisa eoladi reng-sereng e dhalem badhana buku kompolan carpan se ampon ebukuwagi, otaba sanja’-sanja’ se jumlana ampon ratosan sanja’. Naleka badha panyerat noles kalaban eja’an se lebbi anyar, akadi serratan Pa’ Tauhed Supratman mesalepon, JPRM jugan sanget ngargai dha’ serratan ganeka. 

Dhari kalonggaran cem-macemma eja’an dhalem basa Madura dhari taon ka taon, ampon madaddi jalan gampang lahirra panyerat anyar dhalem basa Madura. 

Jaja tor maju terros rubrik Sastra Budaya JPRM! (*)

AHMAD MUHLI JUNAIDI

Guru e SMA 3 Annuqayah Lu’-Gulu’, Songennep

(mr/*/bas/JPR)

 TOP
 
 
 

Subscribe

E-Paper
Follow us and never miss the news
©2020 PT Jawa Pos Group Multimedia