Senin, 14 Oct 2019
radarmadura
icon featured
Puisi

MAHAMA EL-HIMMA*

06 Oktober 2019, 19: 18: 38 WIB | editor : Abdul Basri

MAHAMA EL-HIMMA*

Share this      

tase’ asapo’ omba’

amarga omba’na raja

ate kadhung talka

oca’na taresna sampe’ mate

tape tadha’ buktena

amarga dika adina bula

kalaban alasan se ta’ paste

***

Kj. XI Iss2, 12/9/2019

……………………………..

TARESNA

angen barat maguli ju-kajuwan

naleka essena ate tadha’ se tao

ja’ ate abarruy ka settong oreng

se ta’ paste

talebat taresna bula dha’ dika

banne polana ropa se ekaleburi

amarga ngabas tengka se socce

amarga ropa ta’ bisa masenneng ate

amarga ropa bisa eabes dhi-budhi

***

Kj, 2019

……………………………..

TARETAN

ba’na banne taretan se apolong settong dhara

tape ba’na lebbiyan ban se apolong dhara

dhari neser ban pelakka ba’na

ka engko’ se ta’ bisa egambaragi

lebat sanja’ reya.

***

XI_Iss2, 13/8/2019

……………………………..

BINGONG

ate arassa bingong

amarga dika tadha’ kabarra

talebat alengsang ate sabab maelangnga dika

se pas tadha’ kettosanna sakale

se majau dhari kaodhi’an

amarga aba’ la ta’ ekabuto pole

abala bai paggun eocola

ta’ kera etanggenne pole

mon jat la ta’ taresna dika dha’ bula

***

Kj, Smaga, 14/9/2019

……………………………..

SORAT KABAR

#dha’ saiful marga

gulina angen se mangetter

dhaun se kerreng lebat dhaun

jate kembang malathe

kabarra dika se mapelles ka ate

coma dika lalake’ se samporna

sadunnya tadha’ se nandhinge

***

Kj, Smaga, 12/9/2019

……………………………..

*)Mored SMA 3 Annuqayah kellas XI ISS 2. Mondhuk e PP Annuqayah Karang Jati As-Saudah. Mahama ka’dhinto asma toles dhari Mamluatul Hasanah Mahsun.

(mr/*/bas/JPR)

 TOP
 
 
 

Subscribe

E-Paper
Follow us and never miss the news
©2019 PT Jawa Pos Group Multimedia