Ra’-tera’ Tana
ra’-tera’ tana
angen alos, saalos tanangnga dika
malangngoy dhaun-dhaun ronye’
e bungkana kersen
ra’-tera’ tana
bakto laon, salaonna jalanna dika
nyapowe bakto se cekka’
e ramo’-ramo’
e bungka-bungka
e ranca’-ranca’
e dhaun-dhaun
ra’-tera’ tana
bula ngabas are
alengker
e matana dika
Annuqayah, 2024.
………………………………..
Baca Juga: Sanja' A. Zakil Asror
Kerrong
bula kerrong
dha’ ro’omma malathe e adha’na roma
tamennanna emma’ bakto bula kana’
ro’omma ta’ kera nemmo padha
nyareya ka bume saessena sakale
ro’omma se ros-terrosan nyellet aramo’
ka dhalem dhadha.
Annuqayah, 2024.
………………………………..
Baca Juga: Puisi Mh. Dzulkarnain
Beddhuk
sanonto beddhuk
baktona maloros jalan se sala jalan
baktona mateppa’ caca se korang teppa’
baktona mabagus tengka se ta’ bagus
baktona tennang
Annuqayah, 2024.
………………………………..
Esampogel
pangara esampogella
careta-caretana kae lamba’
bakto gi’ ngodhana bula.
careta se ta’ bisa epaorop apa bai
makkeya langnge’ ban essena sakale
pangarana esampogella
ma’le ta’ gunna’ daddi caretana kobi.
Annuqayah, 2024.
………………………………..
Rop-sorop Are
mano’-mano’ se saleng moy-tamoyan
saleng rop-oroban careta
e bungkana palembang
e budhiyanna pamengkang.
la ngocel mole tong-settong.
sabatara bula gi’ terros emo’
noles caretana bangaseppo.
Annuqayah, 2024.
………………………………..
*)Samangken nyantre e Annuqayah Lubangsa sarta ajar di Instika tor Komunitas Menulis Pasra (Kompas)
Baca artikel dan berita menarik dari RadarMadura.id lainnya di Google News
Jadilah pembaca setia, gabung sekarang juga di channel kami!