Sanja’na Agus Widiey

bakto are gi’ ra-mera mardha

ngajum bula dha’ okara e penggir sagara

saamponna kerrong atabuyan akantha paser

sabab angen dhateng-nyengla adina rassa kobater

mata bula kaelangan panglepor ate;

se ta’ endha’ etaresnae sampe’ mate

dhu, ma’ pas ta’ ekarassa,

ngalotorra jang-bajanganna dika akantha camara

se sanonto terro eanggi’a dhalem okara

maske bula tao, dika ta’ bakal abali pole saomorra

Jogjakarta, 2023

………………………………….

Kaelangan #4

sakabbinna ampon tombu

sampe’ elang etopowe rombu

sabab dika menangka dhadhar

se gaggar dhari pangarep jembar.

Jogjakarta, 2023

………………………………….

Kabunga’an

kabunga’an ta’ usa dika sare,

cokop jalane tor sokkore

;cokop!

Jogjakarta, 2023

………………………………….

Dha’ Ebu

kaator songkem pangabakte

se tombu dhalem ate

akantha malathe

abarna pote

kerrep rassana

sampeyan nabur du’a

ka dhalem sokma

sampe’ sanonto ta’ edina

sabatara pangarep bakal abuwa

salaggi’ du’ana sampeyan paggun badha

macellep bungkana kabunga’an se aromo’ dhalem dhadha.

Jogjakarta, 2023

………………………………….

Somber Kaodhi’an

mata aeng

aeng mata

kaodhi’an bula

kalaban dika.

Jogjakarta, 2023

………………………………….

*)Mahasiswa Aqidah Filsafat Islam UIN Sunan Kalijaga, Jogjakarta.

Baca artikel dan berita menarik dari RadarMadura.id lainnya di Google News