Advertisement
Advertisement
Advertisement
Advertisement

Santre Macellep Ate

I
Penulis: Ina Herdiyana❯

NAILUS SHAFI NAIL
NAILUS SHAFI NAIL
Anggidanna NAILUS SHAFI NAIL*


Advertisement

Radarmadura.id – Badan kaula nalektegi badhana pondhuk ka’dhinto kaangguy nyeta’ manossa daddi pornama se bisa nera’e dha’ alam se lowas. Seddheng pornama ka’dhinto elmo se barokah, saengga bisa nera’e dha’ gulina tengka se sabban are meltas ta’ nemmo karowanna.

Lerres dhabuna Ke Syamsul Arifin dhalem karanganna Jejak Tokoh Pemikiran Islam ejarba’agi, pondhuk aropa’agi baddhana agama, jugan kennengngan kompolan dhalem ajar elmo agama. Akantha Walisongo se kalonta arintis pondhuk, jugan nyepta dhat-ngodhadan nyoppre bisa daddi sonar jalanna Islam saterrossa. Sabab, tojjuwan pondhuk enggi ka’dhinto magampang dhalem abirji’ manossa ngarte dha’ elmo agama.

Pondhuk ta’ coma nyeta’ manossa se ngarte agama. Nangeng jugan adhidhi’ manossa paham dha’ elmo-elmo umum. Saengga santre saamponna ambu dhari pondhuk, agandhuk pangaonengan se lowas. Mela dhari ka’dhinto, badhana santre earep daddi jegjegga kakowatan agama Islam tor bisa nyettong dha’ jaman se ampon bannya’ aoba.

Advertisement

Saongguna pondhuk ka’dhinto banne okoman se nyeksa. Sabab, manabi apekker kadi ka’dhinto, nojjuwagi dha’ kerrengnga pangarteyan dha’ hakekat pondhuk se nyempen bannya’ mosteka. Bisa ngeba tengka dhaddi arebban sadaja manossa.

Dhari dhimin, bannya’ santre agandhu’ paham ”bebas” bisa alako sakareppa napsona. Manabi apekker kadi ka’dhinto, tadha’ bidana antara manossa sareng keban se ka bara’ ka temor ngala’ sanyamanna. Coma nyare kane’madan dunnya. Seddhang manossa gedhuwan ate se bisa ngontrol pekkeran sala kaangguy maloros tengka. Mela dhari ka’dhinto manabi ma’na bebas eanggep bisa noro’e napso setanna, maka tadha’ bidana manossa sareng keban se badha e dunnya.

Ma’na bebas e attas ka’dhinto aropa’agi pamahaman se sanget kalero. Manabi e dhalem pondhuk coma ngakan, ngenom, tedhung, ta’ ajar, tor lebur alanggar atoran pondhuk, maka tadha’ bidana sareng keban. Manabi paggun kadi ka’dhinto, kalaban kalakowan se tadha’ ollena, daddi alumni bakal posang tor badhi aokep e bengkona.

Advertisement

Indonesia ampon epaso’e kalaban paham se agandhu’ bannya’ kalopodan. Kabiyasaan alako ngala’ sakencengnga akherra adaddiyagi ta’ bisa ato-banto e masyarakat. Bisana coma alako kabiyasa’an kerreng se kapelte’ e pondhuk, akantha tedhung, ngakan, ban nilai-nilai ta’ kabitong dhalem pondhuk. Akherra adaddiyagi posang e leggana.

Arte bebas se saongguna enggi paneka bisa dha’ cem-macem kalakowan otaba andhi’ skill e dhalem apolong kalaban masyarakat. Akantha bisa ngajar, mimpin tahlil, bisa ngurus disa otaba nagara kalaban andhap asor, ban laen epon. Saengga santre bisa aktif dhalem cem-macemma tengka kaodhi’an.

Santre macem ka’dhinto se sanget eantos sareng masyarakat. Santre macem ka’dhinto se eamba’ kalaban celleppa ate. Santre macem ka’dhinto se bakal ta’ mabi nyare kalakowan, namong edhatengnge kalakowan. Santre macem ka’dhinto manabi adinggal omor, magaggar aeng mata kaelangan. Manabi terro daddi santre macem ka’dhinto, toro’e atena. Sabab, ate aropa’agi ramo’na tengka tor sonar se bisa ngoburi kaodhi’anna.

Dr Fakhruddin Faiz adhabu, kuncina kaodhi’an nyoppre jembar paneka badha dhua’. Settong, tao dha’ kabadha’an aba’. Artena santre paneka kodu oneng badha e dhimma, nojju dha’ ka’dhimma, ban napa parlona. Saengga santre manabi e pondhuk andhi’ tojjuan kaangguy ngaolle elmo se langkong bannya’, andhi’ tengka se morka’, tor andhi’ tale dhalem aba’na kaangguy nojju dha’ jalan se bagus.

Dhuwa’, oneng dha’ bates. Enggi paneka bisa ngontrol aba’na nalekana bakal alako sala. Kaposangan are samangken nalekana aba’ ta’ tao bates ban ta’ tao dha’ kabadha’an aba’. Saengga nalekana santre ampon badha e masyarakat, posang ta’ nemmo karowan, amarga ta’ andhi’ kaahlian. Ponapa pole nalekana ta’ andhi’ tengka se langkong samporna, bakal daddi caca ”santre dhimma ban ana’na sapa? ma’ gulina kadiya angen se ta’ etemmo tojjuwanna”.

Dhabu e attas jugan eamini sareng Mahatma Gandi. Dhalem okarana, ”odhi’ paneka akadiya bis se ceppet, saengga oreng se badha e dhalemma kodu oneng nojju dha’ ka’dhimma”. Same nalekana odhi’ e masyarakat. Kodu oneng dha’ guli se nojju dha’ ka’dhimma. Oneng dha’ peltassa jaman se ampon maju. Saengga santre paneka bisa nojju tor alekser e dhalemma.

Dhalem agai’na okara se ampon badan kaula sampeyagi e attas. Badhi esambung kalaban okara filosofi Sunan Kalijaga e dhalem cara mateppa’ tojjuan ”angeli anange ora keli”. Arte angeli ka’dhinto agili kalaban jajarba’an agili ros-terrosan, tor ta’ sampe’ alaban aros. Alaban aros se emaksod paneka ta’ bisa otaba ta’ endha’ dha’ kamajuwan jaman. Akantha badhana teknologi se ampon canggih. Ora keli ka’dhinto tak sampe’ nyellem. Agili namong ta’ sampe’ nyellem. Mila dhari ka’dhinto, santre kodu bisa angeli anange ora keli dha’ mancorongnga jaman e are samangken. Paham dha’ kabadha’an kaangguy agili tor andhi’ target dhalem noro’ arossa jaman.

Kanyata’an jaman samangken bannya’ santre nalekana libur pondhuk otaba daddi almuni ta’ bisa ajaga bakto. Lerres jaman samangken komonikasi tamba nyaman kalaban badhana HP. Namong kalaban badhana alat kadi ka’dhinto, bannya’ santre ta’ bisa ato-banto. Otamaepon dha’ reng seppo dhuwa’ se ampon nyongsang nyonglet kaangguy nyare kereman pottrana e pondhuk.

Lerres dhabuna KH Muhammad Sholahuddin, se nyepprowe PP Annuqayah Lubangsa. Dhabuna, ”aoba paneka ta’ mabi bannya’, cokop gan ne’-sakone, ta’ parlo aoba kalaban ekstrem. Manabi aoba kalaban ceppet, namong kalagguwanna abali asal, ka’dhinto tadha’ parlona.” Santre ta’ kodu ceppet dhalem ngoba dunnya. Cokop ne’-sakone’ bisa mabunga tor mateppa’ aba’na sareng kalowarga, saengga kalaban barokah mabunga kalowarga, dunnya ne’-sakone’ bakal noro’ bunte’. Wallahu a’lam. (*)

*)Santri PP Annuqayah Lubangsa dan mahasiswa Instika prodi Ilmu al Qur’an dan Tafsir. Asal Juruan laok, Batuputih, Sumenep.

 

Advertisement
Sudahkah Anda mengikuti channel whatsapp kami?
WhatsApp
Radar MaduraIkuti

Jadilah pembaca setia, gabung sekarang juga di channel kami!


Artikel Terkait

Bupati Achmad Fauzi Wongsojudo Pidato Pakai Bahasa Madura di Harjad Ke-757 Kabupaten Sumenep

Bupati Achmad Fauzi Wongsojudo Pidato Pakai Bahasa Madura di Harjad Ke-757 Kabupaten Sumenep

Penggunaan bahasa daerah tersebut menjadi simbol komitmen pemerintah kabupaten (pemkab) dalam melestarikan warisan budaya leluhur.

Dispendik Sumenep Sebut FTBI Jadi Ruang Kecintaan pada Bahasa Daerah

Dispendik Sumenep Sebut FTBI Jadi Ruang Kecintaan pada Bahasa Daerah

Kasi Analisis Kebijakan Subkor Peserta Didik dan Pembangunan Karakter SD Ahmad Rasul Hariz mengatakan, melalui FTBI, siswa dapat mengekspresikan kemampuan berbahasa dan bersastra melalui berbagai cabang lomba. 

Nanik Virgiana Ningsih Kenalkan dan Rawat Bahasa Ibu lewat Kelas, Teater, hingga Layar Lebar

Nanik Virgiana Ningsih Kenalkan dan Rawat Bahasa Ibu lewat Kelas, Teater, hingga Layar Lebar

Bagi Nanik Virgiana Ningsih, menjadi guru bahasa Madura merupakan panggilan hati sekaligus bentuk kepedulian terhadap kelestarian bahasa daerah.

Advertisement

Berita Terkini

Advertisement
Advertisement

Populer