KERRONG
Badha se aserro
E penggirra sorobba are,
Langngi’ kapeng petto’,
Dhari tase’ se biru
Ta’ tao ja’ apa? Engko’ bingung
Etalektegi tong-settong
Ban-sabban aksara
Sabban okara
Rassa kerrong talebat
atamba sabban arena
Otaba mi’ pola, kodu eja pole
Sakabbiyanna se badha e bakto enga’na
Tape rassana ta’ kera, engko’ tako’ nyillem
Karana, rassa kerrong aoker ce’ dhalemma
Seangga rassa reya ngantang dhalem
Bajangan se ampon nyillem
SAELLANA BA’NA NYINGLA
Saellana ba’na nyingla,
Robana ba’na cekka’ e dhalem pekkeran
Daddi jang-bajangan
Se asapo’ labun pote
Rese’ abarengngi jalanna ba’na
Bakto are moncar
Celleppe malem, se ampon eserrop
Pajjar
Saellana ba’na nyingla engko’ buru apangrasa
Gaja’ se molae lamba’ agili
E bakto akompol
Coma misem se ella tadha’
Agabay rassa sake’
Se tadha’ padha.
BHIRASAT
Sowarana ate
Maksa pangeran aberri’
Ba’na dha’ ka engko’
Ebakto tembang taresna
Ampon padha nyelbi’
Neng bibir se manis
Kaju se rampa’
Nyalepsep ka dhalem ate
Nyare cellep
Dhari dhara se socce
Saengga, aoba
Kalaban asre
Masenneng ka ate.
*santri Annuqayah asal Romben Guna
