alexametrics
25.2 C
Madura
Tuesday, August 16, 2022

Gunong Pekol

GULAGGU gi’ lospeker ta’ amonye, langnge’ petteng ban angen ngalesser ngamba’ are se gi’ ta’ kalowar dhari temor sagara. Saellana abajang Sobbu, biyasa mon oreng ka temor Sumennep areya mangkat laggu kaangguy nyare pakan owananna se ella eabi’ ba’ari’. Iya areya Kandar ban Hendri, ana’na. Saellana mare abajang Sobbu Kandar ngajak Hendri se gi’ kellas empa’ SD kaangguy ngare’ pakanna sape. Mon edina sampe’ aban sapena bakal kalaparan.

”Hen, mara noro’ sengko’ nyare pakanna sape ka gunong. Pakanna sapena la eabi’ molae ba’ari’. Kan sateya are Juma’at. Ban sakola’an ta’ maso’,” oca’na Kandar ka Hendri saellana nangale Hendri buru kalowar dhari kamarra alaksana’agi bajang Sobbu.

”Gunong dhimma, Pa’?” jawab Hendri tacengnga’.

”Gunong Pekol e bara’anna,” potos Kandar ceppet.

”Iya, Pa’, sengko’ aparanta’a,” Hendri nyono’ ka kamarra ban asalenan. Ta’ abit Hendri kalowar kalaban ngangguy salebbar saparapat, kaos kendha’, ban sarong asaleng e bauna ka penggir. Saellana ngabas Hendri la ranta, Kandar ta’ bannya’ banta. Saterrossa mangkat ta’ abanta pole kalaban pangarep Hendri mangkat.

Jalan arassa ta’ padha. Kaangguy dhapa’ ka teggalla se badha e attas gunong, se kadhuwa ajalan kodu alebadi ban-sabban bato, karena rabasan bu-tombuwan se paggun tajem ban cemmacemma dhuri. Dhuri billa, dhuri marong, ban samacemma. Apapole jalanna kodu ka attas, saengga ngoras ora’. Mon ta’ lakar pojur, bakal gaggar ban tajirit polana jalanna se bak lecen.

Are gan sakone’ olle ngontop e temor. Saellana dhapa’ ka teggalla, Kandar terros nengkong kaangguy amolae ngare’. E tenggalla se rabbana ella lowang satengnga polana lako eare’. Kandar pas makalowar sadha’ dhuwa’an se esaba’ e budhiyanna molae gella’.

”Mara ba’na ngare’ keya. Areya’ sengko’ nyambi sadha’ dhuwa’an,” oca’ Kandar sambi ajuluwagi sadha’. Hendri aonggu’ sambi neggu’ sadha’ se ejuluwagi mon Kandar. Terros Hendri toju’ nolonge ngare’.

”Pa’,” Hendri ngolok saellana kera-kera dhumennit saleng dhiyem. Se ekaedhing gun monyena rengnge’ ban reggu se magatel kopeng.

”Apa, Hen?” jawabba Kandar lere.

”E dhiya kan banne gunong, Pa’. Mon oca’na guru, edhiya coma bukit, banne gunong. Ma’ sampe’ enyamai Gunong Pekol? Apana se epekol?” Hendri atanya ka Kandar.

”Ba’na ta’ tao ka caretana e dhiya?” Kandar atanya sambi’ mengnga’. Ban gun ebales ban Hendri kalaban kepeggan tello kale.

”Caretana cara areya, Hen. Lamba’…,” oca’ Kandar sambi nerrossagi caretana. Ja’ Gunong Pekol lamba’ tadha’. Se badha gun ratana tana ban saba se legga kalaban ju-kajuwan. E settong bakto, badha landaur dari Disa Kalianget se alan-jalanan ka disa temor Sumennep. Saellana dhapa’ ka Disa Jennang, landaur tangabas ka oreng bine’ se ce’ raddinna. Alessa amodil dhaun memba, mowana bunter, ban bibirra lebur enga’ jerruk salone. Apapole bila tangabas ka pajalanna se ngaleter kolenang. Saellana tangabas ka reng bine’ rowa se ekataowe anyama Pottre Jennang, molae bakto jareya, landaur terros kapencot ban dhadhana agundhek nandha’agi rassa se ta’ ekenneng ampet. Landaur coma bisa mesem kadibi’ sambi ngabassagi Pottre Jennang se sajan jau ban elang etotop kalaban bilu’na lorong.

Baca Juga :  Jaksa Tunggu Petikan Putusan Mesin Tempel

Samarena Pottre Jennang elang, landaur posang. Atena arassa ta’ nyaman ban terro ngabasa salerana. Rassa terrona ta’ bisa eampet. Saellana ta’ kowat ngampet rassana, landaur anya-tanya ka oreng dhissa’. Atanya edhimma romana Pottre Jennang. Samarena ka bara’ ka temor nyare oca’, akherra badha se nodduwagi ja’ Pottre Jennang reya oreng Jennang ban romana ta’ jau dhari songay se ngampar edhissa’.

Saellana jellas, landaur terros mangkat ka kennengnganna se etojjuwagi mon oreng gella’. Ban arassa agundhek dhadhana samarena bendher e roma se etojjuwagiedhissa’Pottre Jennangakendhang elesteranna romana. Landaur coma bisa mandeng dhari jauna sambi mesem kadibi’.

Saellana bak abit akherra Pottre Jennang tao ja’ badha se ngabas dhari jauna, matakerjat ka aba’na, ban macerreng ce’ ranyengnga. Saengga eppa’ ban emma’na kalowar masteyagi apa se macerreng ana’na. Arassa ta’ kala takerjat bakto Pottre Jennang noding landaur se ce’ rajana. Badanna soga’, kole’na soklat, ban pello agili dhari dhaina se lebar. Dhadhana ta’ atotop saengga soga’na paddhang e adha’anna mata. Pottre Jennang ngaleset ka budhiyanna eppa’na. Eppa’na makalowar kerres se lakar loko ekasongkel.

Saellana ngabas kadaddiyan jareya, landaur sajan masemma’ sambi agella’.

”Saebu kerres ta’ kera meddhas ka sengko’,” oca’na landaur, ”Engko’ dha’enja andhi’ neyat bagus,” terrossa.

”Apa pangarana ba’na? Mara sebbuddagi ban ceppet nyengla. Mole!” oca’ eppa’na Pottre Jennang ranyeng.

”Sengko’ coma terro alamara Pottre Jennang kaangguy epadaddiya binena sengko’. Pottre Jennang paste bakal senneng mon alake sengko’,” sambi agella’.

”Ba’na reya banne manossa, ja’ aganggu ban-saromban,” ta’ abit landaur ngoso’ ban eppa’na Pottre Jennang eteggu’, eateng e tanang se kacer. Sambi terros agella’ ta’ potos.

Nangale eppa’na eteggu’ ban landaur, tako’ eppa’na apa-rapa, akherra Pottre Jennang mabangal acaca kalaban ranyeng, maelang ngetegga.

”Epa’na sengko’ patoron, Landaur! Iya, sengko’ endha’ alake ba’na.”

Baca Juga :  Tampung Aspirasi Masyarakat, Gelorakan Spirit Kemandirian

Landaur mesem. Landaur ta’ partaja.

”Iya, tape badha saradda,” jawab Pottre Jennang mabiyasa.

”Apa saradda, adha’ se ta’ bisa ka sengko’. Poko’na ta’ menta bulan ban bintang sengko’ sanggup.”

”Iya, sengko’ terro e bakto ba’na ngone’e sengko’ otaba alamar, sengko’ nyambiyagi dudul ban bajik rajana sagunong. Baktona samenggu,” oca’ Pottre Jennang nyebbuttagi saradda.

”Jare sarat se gampang, kene’ ka sengko’. Ya, dina samenggu laggi’ sengko’ bakal dhateng pole nyambiya ba’na ka roma,” agella’ sambi matoron eppa’na Pottre Jennang, terros majau mole.

***

Samenggu dhapa’ bantowan dhari la-balana e Kaleanget akherra. E adha’anna landaur, bajik ban dudul se rajana padhana gunong etangale. Ban ranta kaangguy eterragi ka Jennang. Moso pangarep bisa mamare saradda Pottre Jennang. ”Antos Pottre Jennang, ba’na bakal eakaandhi’ sengko’ saomorra,” oca’na atena landaur makobassa sambi ngabassagi dudul ban bajik se ella ranta eadha’anna.

E laen kennengngan, Pottre Jennang anyo’on ka Se Kobasa mandara landaur ta’ dhapa’ ban mamare saradda. Arassa mare kabbi, akherra landaur mangkat mekol dudulla ban bajik kalaban bungkana gangan se e bakto jareya kajuwan se paleng soga’ ban ta’ gampang potong.

Saejjam parjalanan, akherra landaur dhapa’ ka Disa Longos. Ora’na olle tadha’ ecapo’ mekol ros-terrosan. Tape, bibirra mesem tanggung, arassa ja’ sakejja’ laggi’ Pottre Jennang bakal daddi binena. Tape saellana dhapa’ ka Disa Banuwaju, parnyo’onanna Pottre Jennang katarema. 

Bakto ka Jennang kera-kera kare 5 kilometer, bungkana gangan se ekakabay pekolan potong, dudul ban bajidda atabuyan kalaban acampor tana. Landaur takerjat semmo ngoso’, mowana celleng, dharana ngonca’a, saellana enga’ kare sakejja’ laggi’ bakal dhapa’ ka Disa Jennang. Saterrossa landaur buru ka lao’ sambi abasto ja’ bungkana gangan bakal teppo saterrossa. Landaur buru lebat tase’ sampe’ ta’ etangale kalaban pangabasanna mata.

Ngaedhing ja’ landaur la kala, akherra Pottre Jennang senneng onggu polana aba’na burung se ekabineya landaur. Tompo’anna dudul ban bajik jareya sateya daddi bukit se ekoca’ mon oreng dhinna’ Gunong Pekol.

***

”Mangkana, bungkana gangan sateya teppo. Ban bukit areya ekoca’ Gunong Pekol. Ngarte ba’na?” petanya Kandar e akher caretana.

”Iya ngarte, Pa’,” sambi aonggu’.

”Iya mara mole bai. Ta’ ekarassa rebbana la banya’,” Kandar ngajak mole sambi nale’e rebbana kaangguy magampang epekol.

”Mayu’,” jawabba Hendri sambi manjeng ban terros noro’ Kandar e budhiyanna se ella ajalan kalaban mekol rebba. 

 

Perpustakaan-LS, 29-01-2018

 

*)Ketua Perpustakaan PPA Lubangsa Selatan.

 

GULAGGU gi’ lospeker ta’ amonye, langnge’ petteng ban angen ngalesser ngamba’ are se gi’ ta’ kalowar dhari temor sagara. Saellana abajang Sobbu, biyasa mon oreng ka temor Sumennep areya mangkat laggu kaangguy nyare pakan owananna se ella eabi’ ba’ari’. Iya areya Kandar ban Hendri, ana’na. Saellana mare abajang Sobbu Kandar ngajak Hendri se gi’ kellas empa’ SD kaangguy ngare’ pakanna sape. Mon edina sampe’ aban sapena bakal kalaparan.

”Hen, mara noro’ sengko’ nyare pakanna sape ka gunong. Pakanna sapena la eabi’ molae ba’ari’. Kan sateya are Juma’at. Ban sakola’an ta’ maso’,” oca’na Kandar ka Hendri saellana nangale Hendri buru kalowar dhari kamarra alaksana’agi bajang Sobbu.

”Gunong dhimma, Pa’?” jawab Hendri tacengnga’.


”Gunong Pekol e bara’anna,” potos Kandar ceppet.

”Iya, Pa’, sengko’ aparanta’a,” Hendri nyono’ ka kamarra ban asalenan. Ta’ abit Hendri kalowar kalaban ngangguy salebbar saparapat, kaos kendha’, ban sarong asaleng e bauna ka penggir. Saellana ngabas Hendri la ranta, Kandar ta’ bannya’ banta. Saterrossa mangkat ta’ abanta pole kalaban pangarep Hendri mangkat.

Jalan arassa ta’ padha. Kaangguy dhapa’ ka teggalla se badha e attas gunong, se kadhuwa ajalan kodu alebadi ban-sabban bato, karena rabasan bu-tombuwan se paggun tajem ban cemmacemma dhuri. Dhuri billa, dhuri marong, ban samacemma. Apapole jalanna kodu ka attas, saengga ngoras ora’. Mon ta’ lakar pojur, bakal gaggar ban tajirit polana jalanna se bak lecen.

Are gan sakone’ olle ngontop e temor. Saellana dhapa’ ka teggalla, Kandar terros nengkong kaangguy amolae ngare’. E tenggalla se rabbana ella lowang satengnga polana lako eare’. Kandar pas makalowar sadha’ dhuwa’an se esaba’ e budhiyanna molae gella’.

- Advertisement -

”Mara ba’na ngare’ keya. Areya’ sengko’ nyambi sadha’ dhuwa’an,” oca’ Kandar sambi ajuluwagi sadha’. Hendri aonggu’ sambi neggu’ sadha’ se ejuluwagi mon Kandar. Terros Hendri toju’ nolonge ngare’.

”Pa’,” Hendri ngolok saellana kera-kera dhumennit saleng dhiyem. Se ekaedhing gun monyena rengnge’ ban reggu se magatel kopeng.

”Apa, Hen?” jawabba Kandar lere.

”E dhiya kan banne gunong, Pa’. Mon oca’na guru, edhiya coma bukit, banne gunong. Ma’ sampe’ enyamai Gunong Pekol? Apana se epekol?” Hendri atanya ka Kandar.

”Ba’na ta’ tao ka caretana e dhiya?” Kandar atanya sambi’ mengnga’. Ban gun ebales ban Hendri kalaban kepeggan tello kale.

”Caretana cara areya, Hen. Lamba’…,” oca’ Kandar sambi nerrossagi caretana. Ja’ Gunong Pekol lamba’ tadha’. Se badha gun ratana tana ban saba se legga kalaban ju-kajuwan. E settong bakto, badha landaur dari Disa Kalianget se alan-jalanan ka disa temor Sumennep. Saellana dhapa’ ka Disa Jennang, landaur tangabas ka oreng bine’ se ce’ raddinna. Alessa amodil dhaun memba, mowana bunter, ban bibirra lebur enga’ jerruk salone. Apapole bila tangabas ka pajalanna se ngaleter kolenang. Saellana tangabas ka reng bine’ rowa se ekataowe anyama Pottre Jennang, molae bakto jareya, landaur terros kapencot ban dhadhana agundhek nandha’agi rassa se ta’ ekenneng ampet. Landaur coma bisa mesem kadibi’ sambi ngabassagi Pottre Jennang se sajan jau ban elang etotop kalaban bilu’na lorong.

Baca Juga :  Tuntut PSU, Pendukung Berani Bangkit Demo Panwaslu

Samarena Pottre Jennang elang, landaur posang. Atena arassa ta’ nyaman ban terro ngabasa salerana. Rassa terrona ta’ bisa eampet. Saellana ta’ kowat ngampet rassana, landaur anya-tanya ka oreng dhissa’. Atanya edhimma romana Pottre Jennang. Samarena ka bara’ ka temor nyare oca’, akherra badha se nodduwagi ja’ Pottre Jennang reya oreng Jennang ban romana ta’ jau dhari songay se ngampar edhissa’.

Saellana jellas, landaur terros mangkat ka kennengnganna se etojjuwagi mon oreng gella’. Ban arassa agundhek dhadhana samarena bendher e roma se etojjuwagiedhissa’Pottre Jennangakendhang elesteranna romana. Landaur coma bisa mandeng dhari jauna sambi mesem kadibi’.

Saellana bak abit akherra Pottre Jennang tao ja’ badha se ngabas dhari jauna, matakerjat ka aba’na, ban macerreng ce’ ranyengnga. Saengga eppa’ ban emma’na kalowar masteyagi apa se macerreng ana’na. Arassa ta’ kala takerjat bakto Pottre Jennang noding landaur se ce’ rajana. Badanna soga’, kole’na soklat, ban pello agili dhari dhaina se lebar. Dhadhana ta’ atotop saengga soga’na paddhang e adha’anna mata. Pottre Jennang ngaleset ka budhiyanna eppa’na. Eppa’na makalowar kerres se lakar loko ekasongkel.

Saellana ngabas kadaddiyan jareya, landaur sajan masemma’ sambi agella’.

”Saebu kerres ta’ kera meddhas ka sengko’,” oca’na landaur, ”Engko’ dha’enja andhi’ neyat bagus,” terrossa.

”Apa pangarana ba’na? Mara sebbuddagi ban ceppet nyengla. Mole!” oca’ eppa’na Pottre Jennang ranyeng.

”Sengko’ coma terro alamara Pottre Jennang kaangguy epadaddiya binena sengko’. Pottre Jennang paste bakal senneng mon alake sengko’,” sambi agella’.

”Ba’na reya banne manossa, ja’ aganggu ban-saromban,” ta’ abit landaur ngoso’ ban eppa’na Pottre Jennang eteggu’, eateng e tanang se kacer. Sambi terros agella’ ta’ potos.

Nangale eppa’na eteggu’ ban landaur, tako’ eppa’na apa-rapa, akherra Pottre Jennang mabangal acaca kalaban ranyeng, maelang ngetegga.

”Epa’na sengko’ patoron, Landaur! Iya, sengko’ endha’ alake ba’na.”

Baca Juga :  Gu’-ganggu’

Landaur mesem. Landaur ta’ partaja.

”Iya, tape badha saradda,” jawab Pottre Jennang mabiyasa.

”Apa saradda, adha’ se ta’ bisa ka sengko’. Poko’na ta’ menta bulan ban bintang sengko’ sanggup.”

”Iya, sengko’ terro e bakto ba’na ngone’e sengko’ otaba alamar, sengko’ nyambiyagi dudul ban bajik rajana sagunong. Baktona samenggu,” oca’ Pottre Jennang nyebbuttagi saradda.

”Jare sarat se gampang, kene’ ka sengko’. Ya, dina samenggu laggi’ sengko’ bakal dhateng pole nyambiya ba’na ka roma,” agella’ sambi matoron eppa’na Pottre Jennang, terros majau mole.

***

Samenggu dhapa’ bantowan dhari la-balana e Kaleanget akherra. E adha’anna landaur, bajik ban dudul se rajana padhana gunong etangale. Ban ranta kaangguy eterragi ka Jennang. Moso pangarep bisa mamare saradda Pottre Jennang. ”Antos Pottre Jennang, ba’na bakal eakaandhi’ sengko’ saomorra,” oca’na atena landaur makobassa sambi ngabassagi dudul ban bajik se ella ranta eadha’anna.

E laen kennengngan, Pottre Jennang anyo’on ka Se Kobasa mandara landaur ta’ dhapa’ ban mamare saradda. Arassa mare kabbi, akherra landaur mangkat mekol dudulla ban bajik kalaban bungkana gangan se e bakto jareya kajuwan se paleng soga’ ban ta’ gampang potong.

Saejjam parjalanan, akherra landaur dhapa’ ka Disa Longos. Ora’na olle tadha’ ecapo’ mekol ros-terrosan. Tape, bibirra mesem tanggung, arassa ja’ sakejja’ laggi’ Pottre Jennang bakal daddi binena. Tape saellana dhapa’ ka Disa Banuwaju, parnyo’onanna Pottre Jennang katarema. 

Bakto ka Jennang kera-kera kare 5 kilometer, bungkana gangan se ekakabay pekolan potong, dudul ban bajidda atabuyan kalaban acampor tana. Landaur takerjat semmo ngoso’, mowana celleng, dharana ngonca’a, saellana enga’ kare sakejja’ laggi’ bakal dhapa’ ka Disa Jennang. Saterrossa landaur buru ka lao’ sambi abasto ja’ bungkana gangan bakal teppo saterrossa. Landaur buru lebat tase’ sampe’ ta’ etangale kalaban pangabasanna mata.

Ngaedhing ja’ landaur la kala, akherra Pottre Jennang senneng onggu polana aba’na burung se ekabineya landaur. Tompo’anna dudul ban bajik jareya sateya daddi bukit se ekoca’ mon oreng dhinna’ Gunong Pekol.

***

”Mangkana, bungkana gangan sateya teppo. Ban bukit areya ekoca’ Gunong Pekol. Ngarte ba’na?” petanya Kandar e akher caretana.

”Iya ngarte, Pa’,” sambi aonggu’.

”Iya mara mole bai. Ta’ ekarassa rebbana la banya’,” Kandar ngajak mole sambi nale’e rebbana kaangguy magampang epekol.

”Mayu’,” jawabba Hendri sambi manjeng ban terros noro’ Kandar e budhiyanna se ella ajalan kalaban mekol rebba. 

 

Perpustakaan-LS, 29-01-2018

 

*)Ketua Perpustakaan PPA Lubangsa Selatan.

 

Artikel Terkait

Most Read

Artikel Terbaru

/