Advertisement
Advertisement
Advertisement
Advertisement

Adduwan Pidhatu

A
Penulis: Amin Basiri❯
Gambar Carpan Adduwan Pidhatu
Gambar Carpan Adduwan Pidhatu

Advertisement

Oleh: Hasmidi, S.Pd., Gr 


“Kadiponapa kaula badi mator bunten dha’ keyae? Kaula sanyatana sengka tor jugan ta’ andhi’ kabangalan kaangguy ngatorragi oca’ bunten, ta’ poron, otabana ta’ bisa ngereng. Gan mekker bisaos, gella’ kaula ampon ngetek aponapa pole terros mator ca’-oca’ ka’dhissa’.

Advertisement

Bisa-bisa kaula ngonjal paleng.” Wahet acareta ke eppa’na se reppa’na toju’ neng korse se badha neng amper dhalem romana.

Eppa’na Wahet se ngedhingagi catorra kose mamereng ngabessagi mowana ana’na jareya se acareta kadaddiyan se mare ekalakone Wahet neng sakola’anna. Sambi mesem, eppa’na materros mece’ tanangnga se sake’ polana ecapo’ bulet tamparra sapena se epananggala. “Iya mon enga’na jareya ba’na kodu endha’ dha’ pakonna keyae.” Oca’na eppa’na Wahet sambi satenga agella’.

“Kaula tako’ ta’ bisa ngenneng juwara, saenggana dhaggi’ makoceba keyae. Todhus.” Wahet nondhu’ ka baba, matana agarembeng aeng mata tape ta’ sampe’ nyapcap buru duli egusot ngangguy lenggenna se kacer. Dhari ana’ se gi’ buru kellas empa’ enga’na Wahet jareya ella andhi’ pamekkeran se berra’ dhalem ngadhebbi pakonna dhari keyaena.

Advertisement

“Dina ja’ pate pekkere ra’-berra’. Sateya mara ba’na duli maso’ kamarra, tedhung, lagguna polana gi’ asakola’a olle ta’ pate aban se jaga’a.” Oca’na eppa’na.

Malem jareya cora’na Wahet ta’ bisa ngeddha tedhung, pekkeranna paggun enga’ dha’ dabuna keyaena gella neng sakola’anna. Wahet paggun se mella’ jirab, matana ta’ bisa epameddem sakale. Sambi mereng bara’ agellu’ bantal gulinga, aolo dhaja, Wahet gun bisana majenno kapekkeranna dibi’.

Dhalem atena, aromasa ta’ tega mon pas ngoca’a enja’ ban ta’ bisa noro’. Sabatara, saongguna Wahet andhi’ kasanguban kaangguy noro’ adduwan jareya polana orenga bisa eyandhallagi. 

Neng sakola’anna dibi’ bai bila badha adduwan pidhatu, Wahet maste kalowar se daddi juwara nomer settongnga. 

Ella bisa ekoca’agi mon badha adduwan pidhatu neng sakola’an ta’ kera sapa pole se mennang juwara, paggun Wahet.

Advertisement
Editor : Amin Bashiri
Sudahkah Anda mengikuti channel whatsapp kami?
WhatsApp
Radar MaduraIkuti

Jadilah pembaca setia, gabung sekarang juga di channel kami!


Artikel Terkait

Parao Ta’ Alajâr

Parao Ta’ Alajâr

Aèng tasè’ sè bârna bhiru, lajârrâ parao sè paḍâ èbhâbbhâr è tengnga tasè’.

Advertisement

Berita Terkini

Advertisement
Advertisement

Populer