Powasa, Ajhâri Bulâ Loppa ka Lapar
powasa, ajhâri bulâ loppa ka lapar
bânnè ghun kennyang tabu'
tapè atè saghulina ènga’ ka Sè Kobâsa
ḍâri adzân bân qomat
alatè abâ' aromasa cokop
cokop paparèngngâ
cokop ḍhâlem kaoḍi’ân
ajhâri bulâ lapar mènangka
tarèsnana bulâ ḍâ’ ajunan
salanjhângnga oḍi’
powasa, ajhâri bulâ loppa
ka laparra dhunnya,
masemmâ’ ḍâ’ Sè Maha Aghung
saèngghâ ènga’ ka laparra rahmaddhâ
..................................
Powasa Sakolana Kalbhu
è bâkto saor sè seppè
atè ajhâr kaoḍi’ân sè saongghuna
ta’ ghun nyegghâ lapar
ngambri ikhlas
abâ’ èlatè sabbhâr
ḍâri sadhâjâ ghuḍhâ’ân
ka’angghuy nojjhu ka moljâ’ân
ḍâri sobbhu ka maghrib
asakola ḍâ’ kaoḍi’ân
ajhâr, jhâ’ hakikat kennyang
bânnè ghun tabu’,
tapè atè sè saghulina asokkor
powasa ngajhâri abâ’
sabbhâr, ikhlas
arassa’aghi laparra
tarètan sè fakèr
..................................
Kalabân Powasa
è bulân powasa
Qur’an bânnè ghun coma bâca’an
Qur’an mènangka sonarra kaoḍi’ân
raghâ tor kalbhu
Ramadan, padhâddhiyâghi abâ’
tammadhân kabulâ sè ngartè
hakèkat kaoḍi’ân
ngèbâ Qur’an è atè
mènangka kurikulum salanjhângnga oḍi’èn
*)Dosen sastra di Prodi Pendidikan Bahasa Indonesia, Universitas Madura
Baca artikel dan berita menarik dari RadarMadura.id lainnya di Google News
Editor : Hera Marylia Damayanti