Nembara’
Ampon dhapa’ nembara’
Ojanna mara omba’
Celleppa nyepsep ka tolang
Anga’ badan noro’ maelang
Bila aeng ojan dhapa’
Bu-tombuwan maelang pelka’
Reng tane molae nyaka’
………………………………….
Tembang Sokkor
Langnge’ nyagara tadha’ se nale’e
Tase’ dhalem tadha’ se ekale
Papareng dhari Se Kobasa se kodu esokkore
Nangeng kabannya’an manossa aromasa korang
Ka’-bungka’an epoger tong-settong
aeng asat e genthong
paser egaru’ akare bato karang
angen segger amolae korang
Ya Allah...
Malar moga papareng Ajunan ta’ pegga’
ban moga-moga Ajunan mabunga aba’
………………………………….
Sukab II
Sukab, badha kalana dika atole ka budhi
Jelling bula e jalan se bacca
Sopaja dika tao ja bula andhi’ pangarep se raja
Se molae lontor
Tor ngalotor
………………………………….
Mate Rassa
Alos maloka dhateng dhari sokma
Sabab dika namen loka
Saenggana bula se nanggung nespa tor nyangsarana
Sanonto bula molae mate rassa
Samarena arassae sake’na ate
Sabab dika aberri’ janji ta’ paste
Aeng mata noro’ ngalocor
Enga’ ka rassa esto se ta’ bisa eokor
………………………………….
*)Nganggi’ tolesan e Forum Lingkar Pena PP Annuqayah Latee II, Lu’-gulu’, Songennep. Laher e Paseyan, Mekkasan.
Baca artikel dan berita menarik dari RadarMadura.id lainnya di Google News
Editor : Hera Marylia Damayanti